Zesummen eisen Duerfkär gestalten
Den Zentrum ,,Am Sand’’ ass fir vill vun eis fest am Alldag integréiert. Hei schaffe mir, ginn hei an d’Schoul, maachen eis Akeef oder gestalten eis Fräizäit. Et ass dowéinst ëmsou méi wichteg, den Zentrum ,,Am Sand’’ un déi aktuell, an déi an Zukunft optriedend Erausfuerderungen unzepassen.
Fir eise Gemengenzentrum ze moderniséieren an zukunftssécher ze gestalten, starte mir dowéinst dëst Joer eng ëmfaassend Partizipatiounsprozedur, dëst als éischte Schrëtt fir eng nohalteg Opwäertung vum Zentrum ,,Am Sand’’. Zesumme mat Iech wëlle mir eng Visioun 2050 fir den Zentrum ,,Am Sand’’ entwéckelen.
Bedeelegt Iech, schreift Iech elo fir eis verschidde Partizipatiounsformater an!
Eis verschidde Partizipatiounsformater
Informatiounsversammlung iwwert d'Biergerbedeelegung
D’Informatiounsveranstaltung ass de Startschoss fir d’Partizipatiouns- an Dialogprozedur fir d’Revaloriséierung vum Zentrum ,,Am Sand’’. Hei erkläre mir Iech am Detail, wéi Dir Iech um Projet bedeelege kënnt a wéi eng Partizipatiounsformater et ginn. Doriwwer eraus beäntwere mir Är Froen heizou.
Donneschden, 14.11.2024 um 18:30 Auer am Centre de loisirs ,,Am Sand''
Aschreiwung bis de Méinden 11.11.2024 via eisen Online-Formulaire (klickt op de Feil) oder iwwer Telefon um 34 11 34-1.
Moderéiert Spadséiergäng
Mir proposéiere Iech moderéiert Spadséiergäng durch den Zentrum ,,Am Sand’’. Op verschidden themateschen Tëschestopps kritt Dir hei d’Méiglechkeet, eis Är Iddien, Froen oder Verbesserungsvirschléi matzedeelen.
Samschden, 16.11.2024 vun 9:30 bis 11:00 Auer
Samschden, 23.11.2024 vun 9:30 bis 11:00 Auer
Treffpunkt: centre de loisirs « Am Sand »
Aschreiwung bis de Mëttwoch 13.11.2024 via eisen Online-Formulaire (klickt op de Feil) oder iwwer Telefon um 34 11 34-1.
Biergerworkshops
E wichtege Bestanddeel vum Partizipatiouns- an Dialogprozess fir d’Opwäertung vum Zentrum ,,Am Sand’’ sinn d’Biergerworkshops. Wärend dëse Workshops hutt Dir d’Méiglechkeet, a klengen, moderéierten Aarbechtsgruppen, Är Iddien a Wënsch fir d’Gestaltung vum Zentrum ,,Am Sand‘‘ matzedeelen.
Dënschden, 26.11.2024 vun 19:00 bis 21:00 Auer
Donneschden, 05.12.2024 vun 19:00 bis 21:00 Auer
Plaz: Centre de loisirs ,,Am Sand''
Aschreiwung bis de Méinden 25.11.2024 via eisen Online-Formulaire (klickt op de Feil) oder iwwer Telefon um 34 11 34-1.
